بسم الله والصلاة والسلام على رسول الله
بنتكلم عن الكوكسيديا من منظور علمى وحقلى
علمى هتلاقى الكلام متعمق جزئيا مش كليا لان كليا دى هتناسب دكاترة الجامعة
حقلى هتلاقينى عاملك المعلومة بين قوسين يعنى لو مش حابب التعمق العلمى ف خليك فيما بين القوسين فقط
طفيل الكوكسيديا يتبع عائلة ابيكوكمبليكسان apicomplexan
يعنى كل الكلام اللى جاى زى ما هينطبق على الكوكسيديا فى الدواجن هيناسب ايضا الملاريا فى الانسان والتوكسوبلازما فى القطط والثيلاريا والبابيزيا فى الحيونات الكبيرة
بتبدا دورة حياة الكوكسيديا ب مرحلة خارج جسم الطير اسمها اوؤسيست او بويضات الكوكسيديا oocysts
بويضة الكوكسيديا دى بتفرز مع زرق الطير بتكون فى صورة غير معدية يعنى ملهاش لزمة الا اذا تحوصلت علشان تتحوصل لازم ظروف للتحوصل دا
ناخد حتة علمية ونرجع نشوف هتفيدنا ب اية حقليا
جدار البويضة دا مكون من نوعين من حاجة اسمها الاجسام تشكيل الجدار او ما يسمى
wall forming bodies
ودا بيكون جدار داخلى واخر خارجى بيستخدموة بتوع التحصينات لعمل تحصينة الكوكسيديا المعروفة لان الجدار الداخلى للبويضة فية بروتينات
اسمها gametocyte antigens وهما ايضا نوعينgam56, gam82
تكوين جدار بويضة الكوكسيديا غالبية بروتين وقليل من الكربوهيدرات والدهون
وبروتينة مترابط جدا وكارة جدا للماء ومنطوى بطريقة مكثفة
دى هتفيدك حقليا فى اية
👇👇👇👇👇👇👇👇👇👇👇👇👇👇👇👇👇👇👇👇👇👇
انة علشان يحصلة تحوصل وتغير فى التركيب لازم رطوبة عالية
ف رطوبة فرشة معناها تحول البويضات الى الطور المعدى
👆👆👆👆👆👆👆👆👆👆👆👆👆👆👆👆👆👆👆👆👆
طيب علشان يحصل اصابة لازم الطير يلتقط البويضات دى بعد تحوصلها
طيب لو التربية بطاريات ؟؟
عمر ما الطير هيعرف يلتقط البويضات لان الزرق مفصول على الطير يعنى دورة حياتة طفيل الكوكسيديا اتكسرت
ودى نطلع منها حقليا باية ؟؟
👇👇👇👇👇👇👇👇👇👇👇👇👇👇👇👇👇
مفيش كوكسيديا فى البطاريات لكن فية كولستريديا
تربية البطاريات موفرة لجميع ادوية الكوكسيديا
👆👆👆👆👆👆👆👆👆👆👆👆👆👆👆👆👆👆👆👆
جدار بويضات الكوكسيديا عنيد جدا مقاوم لغالبية المطهرات ماعدا الجير والصودا الكاوية
عارف اية اللى بيحرمة من العند والثبات اللى هو فية وبيحرمة من الكالسيوم المهم لبقاءة
المادة الفعالة الموجودة فى الشيح مش الشيح نفسة لازم المادة الفعالة علشان التركيز اللى اسمها ارمستنين artemisinin
دى بتشتغل على الانزيم دا (sarco/endoplasmic reticulum calcium ATPase) بالتالى بينتج بويضات كوكسيديا جدارها ضعيف صعب انها تتحوصل وتعمل طور معدى
طيب بعد ما الطير ياكل البويضات المتحوصلة
بيتحول الى حاجة اسمها سبورسيست sporocysts
ثم تتحول الى تنقسم الى 8 سبوروزويت sporozoites
عارف بتتحول الى sporozoites ازاى ؟
اولا لازم تلين جدارها بتركيز ثانى اوكسيد الكربون
ثانيا تتعرض الى انزيمات المعدة اهمها التربسين والكيموتربسين
ثالثا عضلات القونصة بتعملها تهتلك
رابعا املاح المرارة بتعملها تحلل
لازم ال4 حاجات دول علشان تتحول لتانى اهم مرحلة سبوروزويت sporozoites
عارف حقليا هنطلع بالاتى يسرع من التحول دا
👇👇👇👇👇👇👇👇👇👇👇👇👇👇👇👇👇👇👇👇👇👇
التهوية القليلة بترفع ثانى اوكسيد الكربون
لو بتاكل حصى او رمل زى الجماعة بتاع زمان
لو بتاكل بروتين عالى
كل دا بيسرع من تكوين sporozoites يعنى لو حولت من بادى الى نامى بتقلل من التربسين بالتالى بتقلل من التحول او المرحلة دى
👆 👆👆👆👆👆👆👆👆👆👆👆👆👆👆👆👆
نيجى لتانى اهم مرحلة من حياة طفيل الكوكسيديا وهى
بعد ما يطلع ال8 سبوروسيست يبدا يخترق جدار القناة الهضمية وبيتحول الى ميروزويت merozoites
وهنا هيبدا الخطر
طالما فية اختراق لخلايا جسم الطير اذا هيبدا الدم وعلف غير مهضوم وزرق ملون
بس هنا هنبدا مرحلة علمية دقيقة شوية
هنا الmerozoites و sporozoites عاملين زى شكل الموزة كدا انا سيبلك صور لهم تحت
لهم قمة او بوز فى قمتهم 3 انواع من البروتينات اللى بتسهل عليهم اختراق خلايا الجسم
اول بروتين اسمة ميكرونيم micronemes
ثانى بروتين اسمة روبتريز rhoptries
ثالث حاجة عبارة عن حبيبات كثيفة اسمها dense granules
لكل واحد من دول عاملة ملف كامل معناة ان وراة اسرار لا حصر لها
تعالى لأول بروتين موجود فى قمة السبوروزويت والميروزويت اللى اسمة
ميكرونيم فية منة 5 انواع ميكرونيم 1 و2 و3 و4 و5
micronemes,1 حتى micronemes,5
دا بروتين بيفرز مواد بتحلل جدار خلية الطير علشان يعرف يلتصق بيها
البروتين دا عالى الحموضة يعنى لا يعمل الا فى وسط شديد الحموضة فى بعض انواع الكوكسيديا وقليلة الحموضة فى انواع اخرى
نطلع من دى ب اية حقليا
👇👇👇👇👇👇👇👇👇👇👇👇👇👇👇👇👇👇👇👇👇
ان المنتجات الحمضية زى مضادات السموم ممكن تنشط اختراق الكوكسيديا دا فلما تلاقى المرض بتاخر شفاءة او الاعراض مطولة معاك فبلاش تحط مضاد سموم اثناء علاج الكوكسيديا
👆👆👆👆👆👆👆👆👆👆👆👆👆👆👆👆👆👆👆👆
بروتين الميكرونيم دا بيعمل منطقة اتصال بين الطفيل وخلية الجسم اسمها
منطقة التقاطع المتحرك moving junction
منطقة الاتصال دى عليها معلومات كثيرة جدا بس معقدة بلاش منها الوقتى
بعدها يجى دور البروتين الاخر اللى اسمة روبتوريز rhoptries
يفرز انزيماتة ويحقنها جوة خلية الطير مكون فجوة او كيس اسمها
parasitophorous vacuole ودى بيفضل عايش فيها الطفيل حتى اخر دورة الحياة
الكيس او الفجوة دى بتحمية من اى خلايا مناعية او مناعات يطلقها جسم الطير علية بيمد نفسة بالمغذيات عن طريق البروتين الثالث اللى اسمة الحبيبات الكثيفة dense granules
المغذيات دى اهم حاجة فيها الفوليك اسيد اللى بيتحول بعد كدا الى باراامينوبنزويك اسيد
وهنا ياتى دور السفا يعنى تعالج بالسلفا فى اول الاصابة ملوش لزمة لازم توصل لمرحلة الاختراق وتكوين الفجوة الطفيلية دى
ايضا من المغذيات الثيامين وبعض افراد فيتامين ب المركب
وهنا ايضا ياتى دور الامبرول يعنى حتى دا دورة فى نص دورة الحياة
المهم
تعالى نختصر باقى المراحل لان كدا البوست هيطول جدا بينا
الميروزوايت دا بيعمل اكثر من اختراق لاكثر من خلايا مجاورة علشان يتكاثر ويخرج ب اعداد هائلة ليتحول الى المرحلة الجنسية من حياة الكوكسيديا اللى اسمها ماكروجاميتوسايت و ميكروجاميتوسايت microgamonts and macrogamonts اللى بيحصل بينهم تزواج وينتج بويضات الكوكسيديا اللى بتخرج من جسم الطير فى صورة اعداد هائلة غير معدية فى الفرشة منتظرة الظروف كى تدخل تانى وتعمل العدوى
دورة الحياة دى بتقعد من 4ونص الى 6 ايام
معلومة بسيطة الامبرول بتركيزات اعلى من المسموح ( 125 جزء فى المليون ) بيضعف من جدار الاوؤسيست يعنى ممكن يستعمل فى الوقاية و اوائل مراحل المرض
اما الايثوبابيت او البريميثامين لا يصلح اول الاصابة
طيب الديكلازوريل دورة امتى
؟
اهم مرحلة بياثر فيها هى عند مرحلة الاختراق او ال سبرورزويت والميروزويت
بياثر ازاى بيقلل من البروتين الافرازى اللى بيدخل الاول اللى اسمة ميكرونيم
حلو جدا
وبيعمل حاجة خطيرة جدا
بيساعد فى حاجة مناعية هامة اسمها موت الخلايا المبرمج apoptosis
يعنى اية يا مهندس عاطف دوا يساعد فى موت خلايا الجسم فيكون مفيد؟؟
شوف يالحبيب
الapoptosis دى او موت الخلايا المبرمج او انتحار الخلايا دى عبارة عن ان الطفيل او المرض بيصيب خلية ويرجع ينتقل للى بعدها فبيزيد تكاثرة وشراستة وانتشاريتة فى اكبر قدر من العضو لكن لما الخلية بتنتحر او تموت نفسها فبتخلية قليل الانتشار
+++++++++++++
نختصر بكلام مبسط للمربى البسيط
الامبرول الوحيد هو اللى ينفع فى مرحلة الوقاية هو واى منتج محتوى على عشبة ارتميسين بتاعة الشيح
جميع العلاجات لو حطيتها اثناء الوقاية تعتبر فلوس مهدورة
مفيش علاج ولا وقاية ولا ظهور للكوكسيديا قبل ما تكتمل دورتين حياة فى انواع و3 او 4 دورات حياتة فى انواع اخرى يعنى مفيش كوكسيديا قبل ال9 الى 14 يوم
مستحيل تيجى قبل السابع لان مفيش اعراض بتحصل من دورة حياة واحدة لان كمية الميروزيت قليلة فى الاول ف مش هتعمل اعراض
اسف جدا على الاطالة مع انى اختصرت كلام كثير جدا
لو بصيت على الصور تحت هتعرف ان فية كلام كثير جدا لما يقال
هذا ما نعلمة والله تعالى اعلى واعلم
اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد