كما وعدنا اخوانا مهندسى الامهات عن الحديث فى خصوبة الديوك وخاصة ان الغالبية اشتكى من الخصوبة بعد القمة الانتاجية
احنا هنا هنركز على الخصوبة اللى سببها فيسيولوجية الديك
وفية خصوبة سببها الام دى نتكلم فيها بعدين
علشان نفهم لية بيحصل انخفاض فى الخصوبة لما الديك يكبر لازم ندخل جوة الخصية او تركيب الاسبرم نفسة ونعرف اية اللى بيضعف فية لما بيكبر
بالتالى بنعرف نحط حلول للمشكلة
خلية الاسبرم مكونة من احماض ادهنية غير مشبعة او اسمها
polyunsaturated fatty acids (PUFA)
واكثر حمضين دهنين هم الاراشيدونك اسيد
arachidonic acid
وحمض الدوكوساتتراينويك docosatetraenoic acid
العلماء بيقولو ان لهم علاقة قوية بخصوبة الديك
والحمضين دول تبع عيلة اوميجا 6
وحمض دهنى غير مشبع تابع ل اوميجا 3 اسمة
حمض الدوكوساهيكسانويك
(Docosahexaenoic acid)
وجدير بالذكر ان فى الانسان العكس يعنى الاوميجا3 لها تاثير اعلى على الخصوبة
والبعض قال ان لعمل افضل نسبة خصوبة لازم تظبط معدل الاوميجا6 الى اوميجا3 بيقولك المعدل دا هو المسؤول عن رفع كفاة الخصوبة فى الديوك الكبيرة
وعلى جانب اخر ف لحمض دهنى اخر دور هام جدا فى الخصوبة وهو اللينولينك اسيد
وبما ان الاحماض الدهنية مهمة جدا للديوك كدا ف اكثر حاجة ممكن تقوى الاسبرمات سواء من ناحية الحجم او الحركة او مواصفات السيرم او السائل المنوى هو
زيت السمك
ف زيت السمك محتواة عالى من كل الاحماض الدهنية دى
هل زيت السمك يزيد الاسبرمات ومواصفاتها فقط
لا
دا بيعمل اكسدة للدهون عن طريق تنشيط ميتاكوندريا خلية الاسبرم
بالتالى بتعطية طاقة يعرف يسافر من قناة التخزين الاولى الموجودة عن تقاطع المهبل مع الرحم الى منطقة التخزين الاخرى الموجودة فى المعظم infundibulum
وصول السبرمات الى المعظم بنشاط عالى بيرفع جدا من الخصوبة
طيب زيت السمك غالى هل فية حاجة ارخص منة تعمل نفس الهدف
ايوة
زيت بذرة الكتان سواء هتحطة زيت او البذرة نفسها هتاخد نفس الفوايد
زيت الكتان عنى جدا ب alpha-linolenic acid
اللى بدورة بيتحول الى اهم حمضين دهنين موجودين اى خلية الاسبرم (الاراشيدونك و الدوكوساتتراينويك)
صعب نحصى فوايد زيت السمك او الكتان للخصوبة سواء على مواصفات الاسبرمات نفسها او السائل المنوى او اغشية الاسبوم او مولدات الطاقة بتاعتة حتى تاثيرة على العملية الهرمونية الذكورية اللى هنخصص لها بوست مخصوص فى سلسلة بوستات الخصوبة بامر الله
طيب كدا وضحنا ازاى نقوى تركيبة الاسبرم
فية مشكلة تانية
ان غالبية تركيبة اغشية الاسبرم احماض دهنية بالتالى سهل
تزنخها او اكسدتها وانتاج شقوق حرة تموت الاسبرم
بالتالى محتاجة معاها مضاد اكسدة
ومن هنا ياتى دور فيتامين هـ والسيلينيوم
الاتنين دورهم كمضاد اكسدة والمحافظة على اغشية الاسبرمات والسائل المنوى عالية
والخلط بين زيت الكتان مع فيتامين هـ عمل حيوية
عالية للاسبرمات
لدرجة انهم فى تجربة لنقص فيتامين هـ على الديوم وجدو ان زيادة عدد الاسبرمات الميتة
دا يبين اهمية فيتامين هـ وايضا السيلينيوم
وخاصة السيلينيوم العضوى
افضل اضافة لفيتامين هـ 150 ملجم لكل كيلو علف
وكل ما الديك يكبر فى العمر ممكن تزود حتى 250 ملجم لكل كيلو
كذالك السيلينيوم افضل اداء لة عند جرعة 0.3 الى 0.5 ملجم لكل كيلو علف
لا تستهين ب السيلينيوم لانة مهم جدا فى تركيبة انزيم مضاد الاكسدة الكبدى glutathione peroxidase
لذا دورة مهم ولو كان عضوى هيكون اقوى بكثير
طيب بالنسبة للرحلة الشاقة اللى بياخدها الاسبرم من قناة التخزين الاولى الى قنوات التخزين التانية فى قناة المبيض
لان بيهلك فيها اسبرمات كثير
لكن وجد ان فية حمض مهم جدا علماء التغذية عارفينة اسمة
جواندينواسيتيك اسد Guanidinoacetic acid بيحافظ على طاقة الاسبرم
دا ممكن يتحط فى عليقة الديوك كما هو كدا بجرعة 1200 ملجم لكل كيلو علف لكن لو مش متوفر هتضيف الحمض الامينى ارجنين لان الارجنين بيتحول للحمض دا
خلى بالك الارجنين وما ينتجة من حمض جواندينواسيتيك
مش بس بيحافظ هلى طاقة الاسبرم بل بيقوى طلائية الانابيت المنوية وبيزود عدد خلايا سرتولى فى الخصية بالتالى زيادة فى عدد الاسبرمات
اما على مستوى علم الفيتوبيوتيك او منتجات الاعشاب
فيتصدر الكركم والزنجبيل والروزمارى او اكليل الجبل اقوى منشطات للحيونات المنوية ولهم فوايد كثير مش عاوز البوست يطول بكثرة الكلام عنهم
ف خلاصة القول
الديوك بعد القمة الانتاجية محتاجة تدعيم خارجى او مصادر تضاف فى العلف كى تحافظ على حيويتها الانتاجية
فلازم يتعمل لهم عليقة اخصابية كما وضحنا فى مكوناتها فوق
وعلشان البوست مش يكون توصيات غذائية فقط
هرفق لحضراتكم فيديو لشركة كوب عن اختبارين لتقييم فليشر الديك
احد الاختبارات الكل عارفها
والاختبار الاخر بتاع وسادة اصبع الابهام دا يعتبر جديد على بعض المهندسين الاختبار اسمة muscle firmness score
ف اسمع الفيديو هيعجبك
لسة فية تاثير الاضاءة على الديوم
وفية ميكروب الاستاف اللى بيعرج الديك وبنحقن علشانة
لو لقيت تفاعل واقبال هننزل بيهم بامر الله تعالى
هذا ما نعلمة والله تعالى اعلى واعلم
اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد الدايم