[5:11 pm, 31/03/2023] م عاطف عبد الدايم مصر: فية رسالة دكتوراة عن الاضاءة فى الدواجن
بتاعة الاخ Sangeeta Dalal تبع جامعة ساسكاتشوان هي جامعة عامة في كندا
قسم الانتاج الحيوانى والداجنى
تقريبا 313 صفحة
قعدت اقرا فيها من بعد صلاة الفجر حتى ميعاد شغلى
فحبيت اعرض على حضراتكم بعض المعلومات الموجودة فى الرسالة
وحبيت اشارك حضارتكم المعلومات اللى فيها
واسف جدا ان البوست طويل بس هختصر قدر المستطاع
————-
اول ملحوظة
بيقولك ان الطيور اللى معرضة لبرنامج اضاءة سواء متقطع او عادى
لها استجابة مناعية افضل من الطيور اللى النور شغال عليها 24 ساعة او حتى اللى بتطفى ساعة واحدة فى اليوم
وان جميع خلايا تى اللمفاوية او T-lymphocytes بجميع انواعها (CD3+, CD4+, CD8+) الموجودة فى الطحال كانت اعلى فى الطيور المعرضة لبرنامج اضاءة
رسالة الدكتوراة قسمت تاثير برنامج الاضاءة على المناعة
وهو استطرد جدا فى الكلام عن المناعة سواء مناعة خلقية او طبيعية او مناعة مكتسبة او مناعة مصلية او مناعة سلبية
بس خلاصة الكلام دا ان برنامج الاضاءة حسن جدا من كافة انواع المناعة كلها بدون استثناء
كان لة تاثير على كل خلايا الفاكوسيت سواء (heterophils, macrophages, natural killer cells and thrombocytes)
المهم حسن من كل الخلايا المناعية دى
حتى المناعة المكتسبة ف ايضا حسنت منها خاصة خلايا الذاكرة اللى الطير بيفرزها لما يكون اتعرض لاصابة سابقة
حسن جدا من جميع انواع خلايا بى (B lymphocytes
وبيقولك ان تطبيق برنامج اضاءة جيد بيكثر من الخلايا اللى بتهاجم اى مسبب مرضى لما يجى يدخل الجسم
خلاصة القول فى موضوع المناعة لانة طويل جدا هو لة تاثير جيد جدا على كل ما يتعلق بالمناعة
—–
ثاتى ملحوظة فى رسالة الدكتوراة دى
ودى بردة اخدت منة 23 صفحة
ازاى ان برنامج الاضاءة بيقلل من اى نسبة نفوق غير مرضية زى سواء امراض نقص غذائى او او امراض القلب اللى بتعمل نافق نتيجة زيادة شغلة او الامراض الهيكلية بتاعة العظم
ودا من خلال تحسن المناعة وانة قلل النافق mortality والعيان morbidity
وهو رجع سبب قلة النافق المتعرض لة الطيور دى انة ظبط من النمو السريع للطير
وبيقولك هو عمل تغيرات كويسة فى الجسم عملت رفع مناعى ونقص اجهاد
زى ارتفاع الميلاتونين اثناء فترة الاظلام
وقلل من الاجهاد الفيسيولوجى
وقلل الكورتيكوسترون فى الدم plasma corticosterone
يعنى عن طريق ال3 حاجات دول رفع المناعة وقل الاجهاد بالتالى انخفض النافق الغير مرضى والفراخ المجهدة او التعبانة
————
ملحوظة ثالثة ودى انا اللى مستغربلها جدا
انة عمل تجربتين لاصابة بمرض الماريك
بيقولك ان الطيور اللى مطبق عليها برنامج اضاءة او اظلام مناسب لها عملت نافق 22%
فى حين ان الفراخ اللى النور شغال عليها 24 ساعة او معرضة ل ساعة واحدة اظلام عملت نافق 44%
بس هو بيقول ان السبب العلمى لانخفاض النافق غير معروف
وطبعا استشهد باكثر من بحث سواء كندى او هنجارى او روسى على حالات مرضية كان النافق فيها اقل لو الطير مطبق علية البرنامج مقارنة بنفس الطيور لو كان النور شغال او حتى واخدة ساعة واحدة اظلام
يعنى هو يقصد ان تطبيق برنامج اضاءة لة اثر واضح فى تقليل النافق اثناء الامراض
————
طبعا اتكلم عن الميلاتونين ودورها الرهيب جدا فى الجسم اللى هى بتنتج من الاظلام
بس صعب نكتب الكلام دا لانة معقد شوية وكمان كتير جدا
————
من احسن المعلومات اللى ممكن تخرج بيها فى الرسالة دى هى
انك لو مطبق برنامج اظلام ثابت يعنى الطير عارف ان النور هيطفى بعد شوية
بيقولك قبلها بحاجة بسيطة بيقوم يخزن علف فى الحوصلة وبياخد تقريبا ثلاث اربع الطاقة اللى هيحتاجها اثناء الاظلام
ونتيجة الكلام دا ان حجم الحوصلة بيكبر
بالتالى استهلاك علف افضل بالتالى تسريع فى عملية النمو وتقصير فى مدة الدورة
————–
من الحاجات الفيسيولوجية ايضا فى رسالة الدكتوراة دى
هى حالة الجسم سواء الغدد الصماء او المخ او الاعضاء الهضمية هو شرح شرح كافى عن حالتها بعد ما الاظلام يخلص بيقولك
ان كل الاعضاء دى وبما فيهم الجهاز المناعى بتكون فى قمة نشاطها ودا طبعا عن طريق قياسات فى الدم كتيرة صعب نكتبها كلها هنا
وان كل عضو من دول بيفرز سواء انزيماتة او الاحماض الامينية او هرموناتة فى الدم علشان يعمل افضل اداء وحيوية ونشاط وتسمين
——–
ايضا بيقولك ان فية حساسات لكل من القونصة والاثنى عشر والحوصلة دول بيفتحو على مصرعيهم وبيكبرو حجم الاعضاء دى فى حالة تطبيق برنامج اظلام بالتالى زيادة الكمية المؤكولة بالتالى تسريع فى عملية النمو
———–
اغرب حاجة ممكن تطلع منها من الرسالة دى هو
ان برنامج…
[5:11 pm, 31/03/2023] م عاطف عبد الدايم مصر: https://m.facebook.com/story.php?
story_fbid=pfbid027xL1tSsmK5YdZCPcAkJ4QUGbjhPrGzACW3hfGCCyAPX3F2jskVVeKjz8AnZJMdEfl&id=592798414173722&mibextid=Nif5oz
[5:25 pm, 31/03/2023]
د. يوسف عطية جامعة الملك عبد العزيز: فيه رسالة كويسة جدا في مصر للدكتور السيد ايمن العبد تجدها في معهد بحوث الانتاج الحيواني عن ألوان الإضاءة تظهر أهمية الإضاءة كفترة وطول موجة