لماذا فيتامين أد3هـ؟
من الناحية المناعية فقط
لو البوست افادك ادعى لاخوكم مهندس عاطف عبد الدايم
لان فعلا تجميعة المعلومات دى اخدت وقت طويل وجهد
== اولا فيتامين أ A
فية بروتين مناعى اسمة immunoglobulin A او بيختصروة الى IgA
البروتين المناعى دا هو اول الاجسام المضادة اللى الجسم بيفرزها اول ما تحصل عدوى او مرض علشان يقاوم المرض دا
بيفرز من بطانة الجهاز التنفسى او من بطانة القناة الهضمية
يعنى ارتفاع البروتين المناعى IgA دا يعبر عن ان المناعة كويسة
سواء المناعة اللى جاية من تحصين او ان الجسم بيقاوم المرض
طيب واية علاقة فيتامين A بالموضوع
بيقولك ان انخفاض مستوى الفيتامين فى اى عليقة بيقلل جدا من البروتين المناعى دا IgA بالتالى بيضعف مناعة الجسم
العلماء بيقولو انهم لما حطو مواد تعادل او تمسح الفيتامين من العلف علشان يخلوة صفر
وجاء موعد تحصينة النيوكاسل لاحظو ان مناعة النيوكاسل بعد التحصين فى اقل درجاتها
العلماء بيقولو ان اعطاء فيتامين أ بجرعات كافية كفيل ان يرفع الاجسام المناعية للنيوكاسل والكولاى لمستوى عالى جدا لدرجة انها تصد عدوى
العلماء جربو ايضا ينقصو من فيتامين أ جدا فى العلف وقامو بعمل برنامج تحصين
لوحظ ان مستويات الاجسام المناعية المتكونة اقل بكتير انها تصد اى عدوى لاى مرض محصنين ضدة
كمان لوحظ ان لو نقص فيتامين A بيقل معاة IgA المفرز من المرارة بعد كل تحصينة
طيب واية السبب اللى يخلى وجود فيتامين أ هام جدا للمناعة كدا
؟؟
بيقولك ان فيتامين أ بيتصنع من حمض اسمة ريتينويك اسيد retinoic acid
اهو الحمض دا وجودة شرط اساسى لنضج خلايا مناعية هامة زى الT CELL وكذالك هام لانتاج الجلوبيولين المناعى IgA
بيقولك فيتامين أ بكمية كافية بيخلى خلايا B CELL بتاعة البيرسا تنتج اعلى اجسام مناعية لاى تحصينة
بيقولك جرب اكل علف غنى بفيتامين أ هتلاقية جميع تحصيناتك مناعتها او تترها
او الاجسام المناعية اللى فى السيرم
ترفع من 2 الى 5 اضعاف عن عليقة تانية فقيرة بالفيتامين
بيقولك عاوز تعجل من تطور الجهاز المناعى للكتاكيت فى فترة التحضين عن طريق سرعة نمو البيرسا والثيموس اكل علف غنى بفيتامين أ او البيتاكاروتين
اخطر دور لفيتامين A انة مهم علشان نمو الخلايا الطلائية للقناة الهضمية واى نقص فية تلاقى القناة الهضمية سهل جدا اختراق اى ميكروب او مرض لها بسهولة
بيجمى القناة الهضمية ازاى؟؟
شوف القناة الهضمية دى موجود فيها بروتين اسمة ميوسين بيفرز من خلايا كاسية اسمها خلايا جوبلت
بس خلايا جوبلت دى مش هتفرز الميوسن اللى بيحمى القناة الهضمية دى الا لو الجين بتاع الميوسين دا امر بكدا
طبعا فية 3 جينات مسؤولة عن العملية دى هم
mucin 5AC (MUC5AC), mucin 5B
(MUC5B), and mucin 2 (MUC2)
اهى الجينات المخاطية دى مش تقدر تقول صنع اى حاجة الا فى وجود فيتامين أ
افضل جرعة تعمل كل الشغل المناعى العالى دا هى 5000 الى 6000 وحدة دولية من فيتامين أ لكل كيلو علف
شوف صعب احصى لك علاقة فيتامين أ بالمناعة فى بوست
فهنكتفى بكدا علشان ننتقل لجزء التانى من البوست
👇👇👇👇👇👇
=== فيتامين د3
الفيتامين دا الناس معتقدة ان شغلة غذائى او ترسيب كالسيوم وعظم فقط
لكن اتضح ان لة دور مناعى كبير جدا
يكفى انى اقولك ان لة مستقبلات على كتير من الخلايا المناعية
اشهرهم
المونوسايت وايضا الماكروفاج
العالم (Yang et al., 1993 قال معلومة جديدة
وهى ان فيتامين د فى صورتة النشطة لو قل
بيضعف معاة الخلايا المناعية التنفسية فى القصبة الهوائية
وبيقل معاها الاستجابة الالتهابية
ايضا لو قل فيتامين د بيقل افراز السيتوكين المناعى فى الجهاز التنفسى
بيقولك لو اكلت علف قليل فى فيتامين د3
هيقل معاك وزن الغدة الثيموسية اللى بتفرز الخلايا المناعية T CELL
بيقولك نقص فيتامين د3
بيقلل مستوى الخلايا لمناعية macrophages phagocytizing SRBC
اما لو اتكلمنا عن دور فيتامين د3 وعلاقتة بنخاع العظام
وتاثير ذالك على مستوى كالسيوم الدم والمناعة ف احنا عاوزين سلسلة بوستات
لكن نكتفى بكدا ونقول ان افضل شغل لفيتامين د3 فى صورتة النشطة اللى اسمها
1و25 ثنائى هيدروكسى فيتامين د3
افضل شغل لة 800 وحدة دولية لكل كيلو علف
ف كفاية كدا على الفيتامين دا
نيجى لاخر واحد
ودا برنس الفيتمينات
👇👌👌👌👌👌👌
=== فيتامين هـ
دا عاوز بوست لوحدة يا جماعة لان فوايدة المناعية لا تحصى ولا تعد
هنختصر شوية فوايد سريعة
على وهد بتخصيص منشور مخصوص لة
فيتامين هـ لة تاثير على جميع الخلايا المناعية سواء التنفسية او الهضمية
فمثلا فى الهضمية
يوجد خلايا لمفاوية منتشرة بطول جدار القناة الهضمية اسمها
(Gut associated lymphoid tissue)
او اختصار GALT
فيتامين هـ بيعمل توزيع جيد لخلايا T CELL على الخلايا الملفاوية دى
ممكن يحسن جدا من المناعة المعوية
وبيعمل نفس الموضوع فى المناعة التنفسية
بيقولك حتى لو الطير معرض لاجهاد حرارى او احتباس حرارى
لو حافظت على مستوى فيتامين هـ فلا تخف على المناعة المعوية خاصة
بيحسن جميع الخلايا المناعية المفرزة من قبل الماركوفاج وخلايا كرات الدم البيضا
مثل CD3, CD4 or CD8
لو دور عالى جدا سواء هو لوحدة او هو ومعاة السيلينيوم فى منع السقوق الحرة اللى بتعمل تورمات ونقص مناعى
هو بيمنع اكسدتها بالتالى بيرفع المناعة
العلماء بيقول صعب ان تلاقى خلايا مناعية لمفية سواء فى الجهاز الهضمى او التنفسى
ولا يكون لفيتامين هت الفضل بعد الله سبحانة وتعالى عليها
فيتامين اكثر من رائع
كفاية كدا لانى تعبت من كثر الكتابة
وكمان انا عارف انهم زهقتو
بس هل بعد ما كلة علفت
لمذا فيتامين أد3هـ
وما هو دورة المناعى
؟؟؟
اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد الدايم