علشان تعرف عدوك لازم تعرف امكانياتة وامكانياتك
اسلحتة واسلحتك بعدين تقرر خطة الحرب ضدة
علشان كدا هنعمل سلسلة بوستات عن مشكلة الشتا دى الاساسيةوهو الاى بى
بس هنتكلم بطريقة مختلفة شوية
البوست الاول
اية اشرس حاجة فى الفيرس واية فى جسم الطير اللى ممكن يوقف الفيرس دا واية السبب ان ساعات بنلاقية شرس ونافقة مستمر وساعات بنلاقية اخد فترة ويعدى
البوست التانى
ازاى نقوى الجسم ونزود من الحاجة اللى يقاوم الفيرس
البوست الثالث
راى العلم والعلماء وابحاث عن مواد طبيعية وكيمائية لعلاج الفيرس وتقليل مخاطرة جدا
ف نروح للبوست الاول
فيرس الاى بى دا
هنتكلم علية بطريقة مبسطة وهو فيرس على سطحة شوية حاجات او بروتينات
واحد منهم هو الاهم
اسمة spike او نسمية خطاف او بروز
الفيرس علشان يدخل عمرة ما يقدر تصيب جسم الطير ولا يدخل لاى خلية الا لما الخطاف دا هو اللى يدخلة
الspike دا او الخطاف الاول لازم يكون نشط
علشان ينشط محتاج شوية انزيمات بتخلية ينشط ويتشطر او ينقسم الى قسمين
نص الخطاف الاول اسمة s1 والنص التانى اسمة s2
الخطر كلة فى الs1 دا
طيب بعد ما ينشطر الخطاف دا محتاج يدخل الجسم
هيدخل ازاى؟
لازم حاجة تستقبلة لانة مش بيدخل من اى مكان والسلام
يعنى لة مستقبلات على سطح خلية جسم الطير هى اللى بتستقبلة
حلو كدا
مش عاوز اطول فى موضوع المستقبلات
لكن خلينى اقولك جسم الطير عندة اسلحة للفيرس دا
هى مووضوع حوارنا
والاسلحة دى تعتبر مناعة طبيعية ربانية ربنا وهب بيها الطير
بس احنا اللى بنضعفها بطريقة شغلنا الغلط اثناء التربية
طيب اية الاسلحة دى
؟؟
فية سلاح بيفرز من الكبد يروح على الدم ويتنقل من الدم الى القصبة الهوائية علشان يقاوم الفيرس دا
اسم السلاح دا اية؟؟
Mannose binding lectin
يعنى احد افراد عيلة اللكتين الكولاجينى او كولكتين collectins’.
اختصارة MBL دا بيطلع من الكبد يروح على القصبة الهوائية علشان اول ما يدخل الاى بى يصطادة
ما هو الاىبى بيدخل من القصبة الهوائية
بعض الشركات عاملة ادوية فيها لاكتين
ودا شغلة قريب من شغل الMannose binding lectin
دا
عاوزين نركز على السلاح دا لانة فعلا العلم اثبت ان كل ما كان تركيزة فى الدم عالى كل ما قل جدا شراسة وتتر الاى بى فى الجسم
ولو السلاح دا قل الفيرس بيكون شرس وبيفضل تترة عالى فى الدم سواء فى القصبة الهوائية او الفيرس يمشى فى الدم ويعمل فيريميا
والعلم قال بردة
حتى لو الفيرس وصل الدم ف السلاح دا لو عالى بيعملة عملية بلعمة او بمعنى مبسط بياكلة
الكلام دا علمى وموثق
ولو الناس المختصين حابين يعرفو اكثر عن Mannose binding lectin
دا ف هو بيلتصق ب الجزء الكربوهيدراتى ل خطاف الفيرس او الS1 بروتين
بالتالى بيمنع الفيرس من الدخول
عامل زى التحصينة كدا
ايضا لو السلاح دا موجود وعالى فى الدم او فى الجسم بصفة عامة بيعمل تمنيع كويس
بمعنى بيخلى تحصينة ال اى بى تاثيرة اعلى وكفاءةتها اقوى
طيب العلماء حبو يتاكدو ان فعلا الMannose binding lectin
بيعمل تعادل او علاج او منع للفيرس ف جابو فيرس اى بى فى المعمل وحطو ال
Mannose binding lectin
دا لقيو فعلا انة بيعادلة ويلطق فية
بس وجدو حاجة ان فية حاجات بتقلل العلاج او التعادل او الالتصاق دا
اولا حاجة داخل الجسم وحاجة خارج الجسم
لما حطو مادة المنان لاحظو ان الالتصاق بيقل جدا بل بينعدم
ايضا مادة ثنائي أمين الإيثيلين رباعي حمض الأسيتيك لما تكون موجودة فى التعادل والالصاق دا بيقل
طيب المنان ومعروف فى منتجات كثيرة
اما اية الثنائي أمين الإيثيلين رباعي حمض الأسيتيك دا يا سيدى المادة المخلبية اللى بيعملو منها زنك مخلبى او منجنيز مخلبى او نحاس مخلبى ويحطوها على العلف اسمها EDTA
طيب قالك لو وقت اصابة الفيرس كان الكبد معرض للسموم الفطرية ف هيقل جدا السلاح بتاعنا دا Mannose binding lectin
بالتالى الفيرس هيكمل معاك وهيفضل التتر بتاعة عالى لفترة طويلة
ملحق لحضراتكم شكل الفيرس
كمان ملحق الجزء العلمى اللى بيقول ان المنان بيقلل الارتباط بين المناعة الطبيعية والفيرس
على العموم
كدا عرفنا اهم سلاح موجود فى الجسم وعلشان البوست مش يطول مننا والناس تمل
هنكمل الموضوع مع المنشورين التالين
اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد الدايم
